這兩天心情都好差，差到久未出現的購物癮又飄出來，覺得不買些什麼的話心情就會很鬱悶……這種心情畢業之後已經好久沒試過了；又差到，想記下些什麼去舒解一下。
心情差主因是我又再一次，拒絕了老闆給的機會。這份工作說實在做了半年，沒有覺得自己做得很好，之前協作的廣告計劃也有點出師不利，半年下來沒什麼建樹。但老闆大概對我香港人的身份有所期待，希望我繼續留下來轉契約員工。一度拒絕了，老闆又再次挽留。思前想後，最後昨天挑了個時間老闆稍為有空一點，又再次拒絕了。
經過多人的多重分析，返香港對自己無論係前途、錢途、定係心理上（同埋英文程度上）先至係最好的選擇。但理智上咁諗，心理上卻覺得多少人想抓住一個機會留在日本，然後我在沒有更好的選擇時，一再的推開這個機會，總覺得有點不踏實。而且說實在呢間公司都對我好唔錯，之前走佬返香港，俾我繼續係香港work at home；之前因為只剩下我一個英文STAFF想我返八個鐘，被我以奇怪的理由拒絕了也沒說什麼。而在現在公司有點危機(?)的時候我又走了……雖然一間公司唔會話無佐邊個會唔得，但係一時間都覺得自己好似好衰咁。
但實在以我的日文程度，繼續在公司做英文工作，又好似未夠班，每次做英文翻譯都覺得痛苦異常（特別係當Ｄ英文好過你的outsource translator同你講，請你comment佢地的工作等佢地可以improve，我點講得出，我都要等人comment我的英文，點comment你的……）；做marketing的工作又因為日文程度，令我有種縛手縛腳的感覺，無辦法做得好。兩頭唔到岸，點諗都唔覺得留係度係對的選擇（當然錢都係一個問題），但再諗更多的理由同自己講唔好留係度，都係cover唔到個種壞心情。
唯有盡快調整心態……盡力享受工作假期的最後時間吧！
PS 在這個壞心情下幫朋友買衣服，真係很唏噓。想說大減價，我自己逛了這麼多天血拼多件都只買了二萬多。買件超過2000Yen的衫都要思前想後再等time sale先落到手。友人大手一揮，就買了件半價後都要超過10000Yen的裙。我在與自己格格不入的貴婦商場伊勢丹（我第一次入到間商場會因為自己只係著住Tshirt波鞋同無化妝而有種自慚形愧的感覺……），聽著售貨員友善地跟我說「真係平佐好多好抵架」，找佐條數之後，覺得，我呢世都應該做唔到有錢人架啦……為我這一天的壞心情指數加了不少分……
